Edukatioun.

Pour info: die aktuell Ausgab vum ‘Lëtzebuerger Land‘ huet eng Bäilag zum Thema Edukatioun, déi wierklech interessant an gutt gemaach ass. Sou kritt een mol en ziemlech breeden Iwwerbléck iwwert die aktuell Situatioun, an dat aus verschiddenen Bléckwénkelen.

Generell kann ech d’Land och, als national Wochenzeitung, nëmmen recommandéieren! Genau wéi d’Newsweek als international Wochenzeitung.

An et ass einfach eng Freed Artikelen offline, ouni Hyperlinks an ouni Animatiounen ze liesen, hehe. Fillt een sech richteg zen.

Bildungschaos.

Wéi ët ausgesäit, a wann een dem Asseljhang seng Drohung eescht däerf huelen, dann wäert d’Mady jo weider wuerschtelen däerfen.

Vive de Bildungschaos an vive de weideren Dénivellement vers le bas! Diplomer (déi nët méi vill wäert sinn) fir jidereen! Hurra!

An ech bléiwen bei menger Meenung, dass et bësser ass ze kucken, fir déi, die Schwieregkeeten hunn materop ze zéien, wéi die aner kënschtlech ze bremsen oder suguer erof ze zéien. An die clever Schüler, oder déi, die d’chance hunn clever/motivéiert Elteren ze hunn, wäerten trotzdem ëmmer besser sinn. Enner anerem och well se doheem gefuerdert an gefördert ginn!

A stëmmt dat, dass een elo an der Primärschoul die éischt 2-3 Joër schräiwen kann, wéi een wëll??? Dat ass jo ridicule. An dat versprëcht jo fir d’Reform vum Secondaire … wou een jo souwiesou schon drop an dowidder kompenséieren kann?

Disclaimer: verstitt mech lo net falsch, ech sinn net per se géint d’Lasep, sie hunn och verschidden gutt Iddien op aneren Pläng. An ech wees, dass d’Edukatioun en komplext Thema ass an dass eise Bildungssystem muss reforméiert ginn. Awer net egal wéi. Ech misst mech och mol méi mam neie Lycée beschäftegen. Dee schéngt e puer wierklech interessant Usäz ze hun.

OpenLearn.

Obwuel ech lo no mengem éischten OpenUni Cours net direkt wäert weiderfueren (zumools wéinst Zäit, Geld a Motivatioun) sou fannen ech hiert OpenLearn Konzept awer och interessant. Sou fir den klengen Honger tëschenduerch …

Avis aux amateurs.

OU.

Sou, lo hunn ech die 7 regulär Assignments vu mengem Open University Cours (‘Arts Past And Present’) geschriwwen an benout kritt! Mat 76% sinn ech usech net onzefridden.

Lo muss ech just nach den end-of-course assignment schräiwen, ouni deen een keen Zertifikat kritt … onofhängeg vun der Moyenne vun deenen éischten 7. Leider ass d’Thema dës Kéier bëssen zéi … hoffen alt, dass ech awer eppes minimal anstänneges op d’Blat kréien … dajee, Motivatioun, komm schon! An och du, Inspiratioun, verstopp dech net!

Dag vum Buch.

Als grouss Liesrat kann ech sou en Dag natierlech nëmmen ënnerstëtzen!!

Allerdëngs muss d’Liesen schon vu Klengem un doheem gefördert ginn, soss ass et henno oft leider ze spéit. Sou sinn ech zB immens frou, dass mäin Neveu an meng Niece Bicher och schon appreciéieren an regelrecht verschléngen. All die aner Medien kommen nach fréi genuch …

Global village?

Awer net wat Video ugeet … Lo huet PBS en coolen neien Video-Portal, mee deen geet natierlech net mat enger net-amerikanescher IP Adress … Grmpf. Firwat ëmmer sou kleng karéiert?

Da muss een lo nees alternativ Methoden benotzen fir un die Doku’en ze kommen.