Als grouss Liesrat kann ech sou en Dag natierlech nëmmen ënnerstëtzen!!
Allerdëngs muss d’Liesen schon vu Klengem un doheem gefördert ginn, soss ass et henno oft leider ze spéit. Sou sinn ech zB immens frou, dass mäin Neveu an meng Niece Bicher och schon appreciéieren an regelrecht verschléngen. All die aner Medien kommen nach fréi genuch …
Lokales: Mann zu Betebuerg ënner en Zuch komm
Zu Betebuerg ass um Dënschdeg am fréien Owend en déidlecht Accident geschitt, an dat en Zuch verwéckelt war.
Géint véierel vir 6 huet sech e Mann op d’Gleiser gestallt, wéi just grad en Zuch koum, dee vu Betebuerg aus an d’Stad gefuer ass. Obwuel de Machinist nach gebremst huet, krut den Zuch de Mann ze paken.
D’Accident ass géint 20 fir 6 bei enger Barrière an der rue Lentz geschitt.
Firwat nennt een d’Kand net einfach beim Numm an schräiwt ‘Selbstmord’? Oder ass dat aus irgendengem bizarren Grond net politesch korrekt?
Well en Akzident gët esou definéiert: “Ein Unfall ist ein unvermutetes, von außen auf einen Menschen rasch einwirkendes Ereignis (Unfallereignis), das zu einer Verletzung, einer Gesundheitsschädigung oder zum Tod führt. Unfälle sind für den Betroffenen unvorhersehbar und unfreiwillig. Sie erfolgen meist plötzlich, ihre Ursache kann aber längerdauernd sein.”
Wat jo awer wuel kaum de Fall kann sinn, wann en Mann sech, selon selwechten Artikel, “op d’Gleiser stellt”.
Kann sinn, dass ech en Ierzenzieler sinn, mee mech nerven sou Detailer.
De Best Of vun de Geschichten, déi d’Religiounsjoffer an den Här Paschtouer sécher net erzielt hunn. An de Mel Gibson och net verfilmen wäert. Opmanst net offiziell.
Krut grad d’Reklamm vun der Fondation Raoul Follereau an um Cover steht: “3.000.000 geheilte, aber handikapierte, Leprose …”
Handikapiert? Ah, geet dach näischt iwwer lëtzebuergescht Däitsch … Mee am Eescht, wier ‘behindert’ sou schwéier gewiescht?
Zum Doud vum Harold Pinter, hei säin impressionanten Nobel Speech (2005):
Hei gët et den Speech och als Transkript an verschiddenen Sproochen.
En weidert Buch, wat ech absolut nëmmen recommandéieren kann ass ‘Outliers‘ (däitschen Titel: Überflieger) vum Malcolm Gladwell. Ech hat jo een Kapitel schon eng Kéier op dësem Blog ugeschwat: ‘Warnung: Ferien gefährden die Intelligenz‘.
No ‘Tipping Point‘ an ‘Blink‘ ass dat hei dat drëtt Buch, wat ech vum Gladwell gelies hunn an et ass menger Meenung no säin bescht. Obwuel besonnesch ‘Tipping Point’ wirklech en ‘close second’ ass.
An dësem Buch analyséiert hien verschidden Succes Stories an probéiert eraus ze fannen, wéi et zu hinnen komm ass. Die üblech Äntwert “Well den XYZ en Genie ass/woer!” geet him net duer. An zu Recht.
Firwat sinn souvill Staraffekoten an Amerika Judden, firwat sinn d’Asiaten generell sou gutt an der Mathé, wat erkläert dem Bill Gates säin Succès, wat deen vun den Beatles, vun gewëssen Sportstaren, etc?
D’Erklärungen wëll ech lo hei net einfach sou verroden, well et ass faszinant d’Analysen ze liesen.
D’Conclusioun generell ass, dass Genialitéit nëmmen en Deel vum Ganzen ass an dass Genialitéit alleng net duergeet (dofir huet en och Géigenbeispiller). Die aner wichteg Fakteuren sinn: de richtegen Kader, die richteg Plaz, de richtegen Moment an VILL Schaffen. Deemno falen opmanst 4 vun dësen 5 Elementer eischter an d’Rubrik ‘Chance’ an gouffen net bewosst geplangt. Duerno hunn se sech natiirlech, an dësen Fäll, als extrem favorabel Kombinatioun erausgestallt. Mee dat huet virdrun keen konnten wëssen an och keen erwaart.
Meng Note: 9/10
Rezent Kommentarer