A. Schwarzer vs R. Polanski.

D’Alice Schwarzer bréngt d’Saach op de Punkt:

“Wenn ein Priester nach Jahrzehnten endlich zur Rechenschaft gezogen wird wegen Missbrauchs und Vergewaltigung Minderjähriger, dann sind alle zufrieden. Wenn ein Filmregisseur wie Roman Polanski, der eingestandenermaßen eine 13-Jährige mehrfach vergewaltigt hat, endlich zur Rechenschaft gezogen wird, sind viele empört.”

Firwat also zweerlee Mooss? Well den Polanski e Promi ass? E Künstler? A net just e Paaf?

(via)

Robert Weber: jo oder nee?

Hat de Mëtten en interessanten Interview um RTL (‘Background’) mam Robert Weber, dem Präsident vum LCGB an Deputéierten vun der CSV héieren. Zumools ganz um Ufank, wou et em de rezenten Vote zum Gesetzesprojet 5846 gaangen ass, deen hien jo verpasst hat well en am Ausland op enger Reunioun woer. Déi woer jo anscheinend schon zënter Méint op deen Dag festgeluegt ginn, duerfir ass dat usech jo legitim. Mee et ass him awer och ganz geleën komm, well en sou selwer net huet missen Faarw bekennen!

De Journalist huet hien dorops hin e puer Mol gefrot, wéi hien dann ofgestëmmt hätt, wann hien dann do gewiescht wier. An dat wollt en partout net soen obwuel suwuel seng Kollegen vun der Partei, wéi och seng Kollegen vun der Gewerkschaft géinge wëssen, wat seng Positioun wier. Ma wann dat esou ass, wat huet en dann ze verstoppen a firwat seet hien et net?

Mee en ass natierlech an engem Dilemma. Seet en ‘jo’ wennt en sech géint seng Gewerkschaft, seet en ‘nee’ wennt en sech géint d’Linn vun senger Partei. Wat d’Fro opwërft, op een gläichzäiteg soll Deputéierten AN Präsident vun enger Gewerkschaft däerfe sinn …

Trotzdem ass et relativ null an onserieux fir net kloer an däitlech ze soen, wat en gewielt hätt. Ass en dat senge Wieler/Memberen net schëlleg?

Giff dat wierklech ee wonneren?

Den italieneschen Geheimdëngscht soll Taliban bestach hunn fir dass déi die italienesch Truppen net ugräife giffen.

Domm nëmmen, dass keen dat de Fransousen gesot haat, déi, nodeem se den Territoire vun den Italienier iwwerholl haten an dovunner ausgegaangen sinn, dass en roueg wier, no kuerzer Zäit vun den Taliban an en sophistikéierten Hannerhalt gelackelt gouffen,  an deem 10 vun hieren Zaldoten leie bliwwen sinn.

Mol gespaant, op die ganz Wourecht do je rauskommen wäert. vu dass de Berlusconi seng Hänn mat am Spill huet, ass dat net sou sécher …

République de bananes.

Ass jo nees krass, wat de Sarkozy rem opféiert … Plazéiert säi Béiwchen, 23 Joër a keen Unisdiplom, gär als Präsident vum Conseil d’Administration vun der EPGD. Firwat kann deen nët méi ënnen ufänken, vun experiencéierten Manager léieren an sech dann eropschaffen, wéi all die aner och? Firwat direkt Präsident?

De Blair rifft zum Kräizzuch op. Géint d’Atheisten.

Ech hoffen sou, dass de Blair net EU Präsident gët. Ennert anerem wéinst esou Kommentarer:

Faith was also under attack on both sides.

“We face an aggressive secular attack from without. We face the threat of extremism from within.”

Arguing that there was “no hope” from atheists who scorn God, he said the best way to confront the secularist agenda was for all faiths to unite against it.

He said: “Those who scorn God and those who do violence in God’s name, both represent views of religion. But both offer no hope for faith in the twenty first century.”

(source)

Ech wëll kee Paschtouer als EU Präsident.

A wann Atheismus eng Religioun ass, dann ass Net-Timberen-Sammelen en Hobby.

E nuklearen Iran bedéit net d’Enn vun der Welt.

Pour info (an am Kader vun der rezenter Diskussioun iwwert Atombommen op dësem Blog): an der aktueller Newsweek gët et en interessanten Artikel vum Fareed Zakaria zum Thema nuklearen Iran a firwat dat net d’Enn vun der Welt bedéite géiff.