A. Schwarzer vs R. Polanski.

D’Alice Schwarzer bréngt d’Saach op de Punkt:

“Wenn ein Priester nach Jahrzehnten endlich zur Rechenschaft gezogen wird wegen Missbrauchs und Vergewaltigung Minderjähriger, dann sind alle zufrieden. Wenn ein Filmregisseur wie Roman Polanski, der eingestandenermaßen eine 13-Jährige mehrfach vergewaltigt hat, endlich zur Rechenschaft gezogen wird, sind viele empört.”

Firwat also zweerlee Mooss? Well den Polanski e Promi ass? E Künstler? A net just e Paaf?

(via)

Guido for Aussenminister!

Ech sinn zwar kee grousse Fan vum Guido Westerwelle, mee vu dass e gewielt gouff, hoffen ech lo, dass en Ausseminister gët.

Alleng schon fir moslemesch Länner wéi Saudi-Arabien an den Iran an onkomfortabel Situatiounen ze bréngen, wann se hien, en oppenen Homosexuellen, mussen empfänken. Mat militäreschen Éieren, Handginn, gemeinsamer Foto, etc.

Oder op se séch do virdrun drécken wäerten?

Natierlech kéint en schwulen Aussenminister och nees vun Radikalen als Beweis fir d’Dekadenz vum Westen präsentéiert ginn, mee ech mengen et wier de Risiko wäert. An der Tëschenzäit sinn jo och an verschiddenen islameschen Länner Fraen e bëssen méi an der Politik vertrueden wéi nach virun Joeren. Do huet de Westen jo sécher och eng ‘Matschold’ drun.

Wee wees, villäicht huet de Guido jo eng ähnlech Influenz … Mee natierlech ass et méi schwéier, vu dass hien nëmmen een ass an et awer an der Tëschenzäit Dozen Fraen op héijen politeschen Posten ginn. An Homosexualitéit ass jo awer nach ëmmer eng Grëtz méi schwéier ze erkennen an manner offensichtlech wéi Weiblechkeet.

Giga Voyeur.

E Bekannten huet sech lo sou en Gigapan Truc kaaft mat deem een Gigapixelfotoen (wéi déi vum Obama senger Inauguratioun) ka maachen. Dat ass schon extrem impressionnant. Anerersäits natierlech och erschreckend, well d’Privatsphäre enorm drënner leid, wéi een bei dësem Beispill vun enger Plage gesi kann.

An dat ass lo nach keng aus Südfrankräich … wuel och just well een d’Fotoen muss bei GigaPan muss uploaden an déi zenséieren wäerten.

Ok, fréier konnt de Voyeur sech och mat sengem Tele iergendwou op d’Lauer léeën, mee dat hei ass awer eng ganz Kategorie driwwer.

Brave, new world …

Onpräzis Froen.

‘Bass du fir oder géint Sex virun der Hochzäit?’

Dat ass nees d’Beispill vun enger schlecht gestalltener Fro. Einfach sou kann ech déi net beäntwerten. Do brauch ech méi Info:

Wat ass zB mat Sex gemengt? Verkéier (1) oder just ‘anert Gespills’ (2)?

Wann (1) dann brauch ech nees méi Info: mat (a) oder ouni (b) Verhütungsmëttel?

Wann (a), da wier meng Äntwert: Jo, soulaang déi zwee et wëllen, wat och fir (2) gëlt.

Wann (b), da brauch ech nees méi Info: mat engem, deen een gären huet a sech ka virstellen Kanner ze hunn (I) oder mat engem, wou een just Spaass wëll hunn (II)

Wann (I), da wier meng Äntwert: Jo, soulaang déi zwee ët wëllen an och finanziell an der Lag wieren e Kand ordentlech ze erzéien. Aus legalen Grënn wier et awer wuel besser sech dann ze bestueden.

Wann (II), da wier meng Äntwert: Natierlech nët! Mat Kannerliewen soll een net spillen. An och Ofdréiwungen sollen just an Noutfäll benotzt ginn.

Wat ech ëmmer nach krass fannen ass, wann een realiséiert, dass een fréier, wéi d’Contraceptioun nach net sou ausgeräift woer, bei all Verkéier en effet riskéiert huet, Elteren ze ginn(sou wéi dat jo och vun der Evolutioun virgesinn ass)!? An deem Fall giff een natierlech sou eng Fro ganz anescht ugoen … wéi och de Sex usech!

Schmotz an der Bibel.

De Best Of vun de Geschichten, déi d’Religiounsjoffer an den Här Paschtouer sécher net erzielt hunn. An de Mel Gibson och net verfilmen wäert. Opmanst net offiziell.

Hail Mary!

Den Playbox Mexiko huet dat altbekannten Rezept fir bëlleg Reklamm ze kréien benotzt: eng Kontroverse krééieren.

An dësem Fall fir hieren Dezember-Cover dem Maria ze widmen. Natiirlech hierem Model, deen María Florencia Onori heescht …

Gutt gefall huet mer och dat hei:

(reuters) A nude model resembling the Virgin Mary on the cover of the Mexican edition of Playboy magazine, published only days before a major Mexican festival dedicated to the mother of Jesus

an die indirekt Äntwert doropper op engem aneren Site:

That is, if the Virgin Mary was Photoshopped, fair-skinned, blue-eyed and didn’t own proper clothing.

Wéi wann irgendeen wéisst, wéi die faméis ‘Jongfra’ en effet ausgesinn hätt. Mee natiirlech kann ech novollzéien, dass gleeweg Läit net immens ‘amused’ iwwert esou eppes sinn. Nujee, dann soll Gott halt mol rem en Donnerblëtz op Soddom % Gomorrha rofgeheien. En ass do an der Läscht e bëssen noléisseg ginn …

Ah jo, d’Biller fënnt een hei. Fir dass een wees, em wat et geet.