Impfen. Jo oder Nee?

Ech hat zwar mol gesot, ech giff mech net impfen lossen, mee an der Tëschenzäit froen ech mech firwat eigentlech net?

Natierlech ass dat Ganzt en Hype an wahrscheinlech ferme iwwerdriwwen, an natierlech huet d’Pharma-Industrie hier Hänn bei dëser Hysterie mat am Spill, an ech wëll esou eppes net ennerstëtzen mee wat giff ech wierklech riskéieren, wann ech mech giff impfen lossen? Just fir op Nummer Sécher ze goen (keeft een jo och soss Assurancen …)?

An der Tëschenzäit hunn dat jo awer eng Rëtsch Läit weltwäit gemaach an et si jo quasi keng (wann iwwerhaapt?) Niewenwierkungen do?

An de Virdeel ass jo, dass een dann die Gripp net kritt (ok, villäicht awer eng Mutatioun dovunner). Wat méch giff arrangéieren, net well se lo souuuuu geféierlech wier, mee well et einfach nervt an langweileg ass fir e puer Deeg flaach ze leien.

Wat wieren also lo die konkret Argumenter GEINT eng Impfung? Oder sie die Géigenargumenter och usech vill Hype an waarem Loft?

Sinn d’Englänner wierklech sou ignorant?

Dat kéint een op alle Fall mengen, wann een dëser Emfro gleewen kann.

54% ass en erstaunlech héijen Prozentsaz. Zumools an sou engem sekulären Land!?

Mee wahrscheinlech ass et just, well Kreationismus méi einfach ze verstoen ass: *poof* d’Welt gouff erschaffen! Op lo vum Bibelgott, vum Lord Voldemort, dem Brahman oder soss engem wäert wuel zweetrangeg sinn. Haaptsaach einfach. Et wëll een d’Gehir jo nët missen ustrengen …

Mee villäicht ass d’Emfro jo och einfach net wierklech repräsentativ? Oder d’Fro ass schlecht/suggestiv gestallt?

Wat ass normal?

Radiolab huet nees en neien, brillianten Podcast op hiere Site gestallt: ‘New normal?‘ (en passt och an die rezent Genderdebatte, déi hei um Blog stattfonnt hat).

Wéi sou oft besteet hier Show aus dräi Reportagen:

1. E Grupp Pavianen verléiert seng Alphamännercher a changéiert säi Verhalen radikal. An behält dat bäi, iwwer Joerzengten. An trotz dem Influx vun neien, friemen männlechen Pavianen, déi hier erléierten Verhalensweisen verléieren. Wierklech erstaunlech. An positiv.
2. E kléngt, konservativt Kaff reagéiert extrem progressiv. An aus interessanten Grënn.
3. Wëll Déieren kënnen erstaunlech séier domestizéiert ginn a veränneren doduerch och, obwuel dat net de But woer, hier Morphologie. Interessant Parallelen zu den Mënschen.

Dat huet mech och un dat Experiment (villäicht ass et och eng Legend, mee egal) ërennert, wou se 3 Aafen an engem Käfeg hunn. An der Mëtt ass eng kleng Trap, déi zu engem Podest féiert. D’Wëssenschaftler loossen dann eng Banann op dee Podest falen. D’Aafen sinn firwëtzeg an een geet sech d’Banann sichen a grad, wéi en se wëll huelen, ginn déi aner zwee Aafen naass gesprëtzt (an dat hunn se guer net gär). Dat Spill widderhëllt sech e puermol bis d’Aafen verstan hunn, dass, wann een d’Banann siche geet, die aner naass gesprëtzt ginn. Wa lo ee probéiert d’Banann sichen ze goen, stierzen sech déi aner op en an halen en dovunner of.

An da kënt de Clou: d’Wëssenschaftler tauschen een Aaf aus. Et kënt nees eng Banann, de neien Aaf probéiert se ze huelen, mee die aner zwee stierzen sech op en an halen en dovunner of. Dat geet dann puermol sou bis och deen Neien dat verstan huet. Dann gët nach een ‘originalen’ Aa ausgetosch géint e neien. De gesäit nees d’Banann, probéiert se ze huelen, die aner zwee halen en dovunner of. Dat geet nees e bëssen sou weider bis dann deen drëtten, an läschten, original Aaf ausgetosch gët. De neien Aaf probéiert och nees d’Banann ze huelen, mee gët vun deenen aneren zwee ofgehalen! Wuel gemierkt: vun zwee Aafen, déi SELWER nie naass gesprëtzt gouffen an duerfir och guer net ‘wëssen’ firwat een d’Banann net däerf huelen.

Et ass halt just ëmmer sou gemaach ginn …

Impfen oder net?

Ass jo mol alles am groussen Still virbereed:

Am Dienstag, den 27. Oktober, beginnen die Impfungen gegen die sogenannte Schweinegrippe. In einer ersten Phase, die sich über die kommende Woche erstreckt, werden jedoch nur bestimmte Personengruppen in den sieben Impfzentren geimpft. In jedem Zentrum werden rund 40 Personen dafür sorgen, dass die Impfungen schnell und effizient über die Bühne gehen.

Déi mussen jo wierklech mat engem riesen Undrang rechnen. Si mol gespaant op dat sech och esou erfëllt.

Well immens berouegend sinn Kommentarer wéi dei hei net:

Bei den 11- bis 17-Jährigen und bei den über 60-Jährigen ist zurzeit noch unklar, ob der Impfstoff in zwei halbe Dosen aufgeteilt werden muss.

Uh, kléngt wéi wann se dat alles jo super getest hätten!

Mee bon, Haaptsaach mol rem Tonnen Impfungen kaaft. D’Pharmaindustrie reiwt sech d’Hänn. Wou stinn eigentlech déi Massen vun ongebrauchten Impfstoffer vun der viireschter Pandemie-Hysterie?

Ech wäert mech net impfen lossen. An et sollt och kloer gesot ginn, dass dës Schwëngsgripp manner eng Gefor ass fir d’Gesondheet (déi normal Gripp ass méi schlëmm) a méi eng, opmanst potentiell, fir d’Economie (wann op eemol giffen extrem vill Läit zesummen fir e puer Deeg krank ginn). An da kann jo jidereen entscheeden op en et riskéieren wëll fir 3 Deeg doheem ze bléiwen an dann nees schaffen ze goen oder op en sech wëll impfen loossen. Mat eventuellen Niewenwierkungen.

(source)

Shady.

Cool optesch Illusioun:

Carl Sagan ft. Stephen Hawkins.

De Carl Sagan woer en ziemlech bekannten amerikaneschen Astronom (ënner anerem) an huet extrem vill fir d’Populariséierung vun wëssenschaftlechen Themen op der Tele an den ‘80er gemaach.

Lo huet een hien zum ‘Sangen’ bruecht. Ah, die Wonner vun der moderner Technik:

Mir gefällt et.

PS. Dësen ‘autotune’ Effekt gët och vill vun ‘richtegen’ Sänger benotzt, wat erkläert firwat der vill live sou Schrott sinn an een net méi wierklech muss sangen kënnen …