Home > Gesellschaft, Luxembourg > Och Kannerlidder mussen upgedate ginn?

Och Kannerlidder mussen upgedate ginn?

December 5, 2009 Leave a comment Go to comments

Noodeems Liichtmessdag jo nët méi gesonge gët: ‘Loost die jonk Läit liewen an die al Läit stierwen’, wier et och villäicht elo un der Zäit fir ‘de Schwaarze kritt eis nie’ aus deem engen Kleesercherslidd ze sträichen? An enger Zäit, wou jo a villen Spillschoulsklassen och donkelhäiteg Kanner sinn, ass dat jo villäicht net méi ubruecht. Oder gesinn ech dat ze enk?

Categories: Gesellschaft, Luxembourg
  1. December 5, 2009 at 6:02 pm

    Dee Schwaarzen ass dach den Housécker?!

  2. December 5, 2009 at 6:13 pm

    Natierlech ass dat den Housécker. Mee hautzudags hiert dat sech awer bizarre un fannen ech … stell der vir du séngs dat Lidd mat enger Klass wou 3 kléng Afrikaner dra sinn?

  3. December 5, 2009 at 7:46 pm

    Probéiers du grad witzeg ze ginn?

  4. December 5, 2009 at 7:48 pm

    Nee. Meng Niece huet mer dat Litt haut virgesongen, a méch huet den Text gestéiert.

    ‘De Schwaarze kritt eis nie’ kléngt jo awer och gelungen an zweedéiteg, nee?

    Mee wéi gesot, ka jo sinn, dass ech dat hei ze enk gesinn.

  5. December 5, 2009 at 8:04 pm

    Dann maachen mer dach aus Völkerball, Wee fäert dee Schwaarze Mann an sou weider och direkt nei Spiller.
    Oder mir schalten fir 5 Minutten eise Verstand un, a soen eis: hei gett keen ugegraff, an entspaanen eis.

  6. December 5, 2009 at 8:17 pm

    Firwat net? Völkerball implizéiert, dass Völker sech géigensäiteg ofschéissen sollen. Kann een him jo einfach en aneren, méi originellen a besseren Numm ginn.

    A schwaarze Mann bréngt bei mir einfach d’Bild vun engem Afrikaner op. Villäicht well een eis ëmmer agetriichtert huet ‘Schwarzen’ an net ‘Neger’ ze soen?

    An ech hunn jo och nie behaapt, hei giff AKTIV een ugegraff ginn. Ech froen méch just op et strategesch gutt ass fir Kanner ëmmer rem widderhuelen ze lossen, dass de béise Schwaarze sie nie kréie wäert … oder wéi dat op Kanner mat schwaarzer Hautfaarw wierkt … ganz onberechteg sinn déi Froen menger Meenung no net.

  7. Nic
    December 5, 2009 at 10:03 pm

    Offence is taken, not given. It should only be taken where it is meant.

    Daat eenzegt waat sou pseudo-politiesch-korrekt Froen wéi daat do bewierken ass dass se d’Welt all Kéier en klengt Steck méi langwéileg maachen. Et ass lächerlech dass Leit mussen oppassen waat se soen, well kleng, roosen, frustréiert, pedantesch Kraizritter mengen et kéint iergendeen sech doweinst ugepisst fillen.

    Wann den klengen Afrikaner am drette Schouljoer freet waat daat mam “Schwaarzen” am Lidd ze bedeiten huet, dann soll sain Schoulmeeschter em d’Saach mam Houseker erklären.

    Wanns du an souengem Lidd, waat offensichtlech naicht mat Afrikaner ze din huet direkt drun denks dass et kéint diskriminant sin, dann schumm dech. D’Verbindung tescht eppes waat schwaarz an schlecht ass (Houseker) zu engem Afrikaner kennt net vum Lidd, mais aus dengem Kapp. Ech wier net stolz drop.

    Ech hun bai deem Lidd net un Afrikaner geduecht. Genausouwéineg wéi ech bäi Fussball un déi chinesesch an déi indianesch Kaart denken.

  8. December 5, 2009 at 10:24 pm

    Här Lährer,

    Ech mengen, dat kann och eng Generatiounensaach sinn. Ech widderhuelen et nach eng Kéier: eis (oder mir opmanst) ass als Kanner agetriichtert ginn: eng Persoun mat enger schwaarzer Hautfaarw ass net e Neger, mee en Schwaarzen. Dat woer zu der Zäit, wou et net méi politesch korrekt woer Neger ze soen (huet dat d’Welt och e bëssen méi langweileg gemaach?) an een amplaz ‘Schwaarzen’ gesot huet. Duerfir woer fir mech deemools ‘Schwaarzen’ emmer synomym mat Schwarzafrikaner. Wat och mat sech bruecht hat, dass ech zb meng Bom falsch verstan hat, déi gesot hat, sie hätt bei deenen läschten Wahlen (Ufanks 80er) déi Schwaarz gewielt!

    Ka sinn, dass dat bei iech, eng Dozen Joer méi spéit alles anescht woer, alles schon méi multikulti a normal. Bei eis deemools woer dat net sou. Du kanns, wann s du wëlls, dat dann lo kleng, rosen, frustréiert an pedantesch fannen, dass ech eng Ausso wéi ‘den Schwaarzen kritt eis nie’ net als immens hëllefräich an enger multikultireller Gesellschaft fannen (et verstärkt usech nëmmen den Cliché vun ‘schwaarz’ = ‘negativ, geféierlech, etc’). Mee dann bass de am Endeffekt awer manner sophistikéiert, wéi s de ëmmer wëlls eriwwer kommen.

    Deng Analogie mat rouden an gielen Kaarten passt och net wierklech.

  9. Nic
    December 5, 2009 at 11:04 pm

    Ech sin keen sophistkéierten Mensch (ech laachen zeguer iwwer déi schlechst Witzer, fro den Thorben, meechtens sin et seng), mais ech erkennen eng Dommheet wann se mer iwwer den Wee leeft. Ech kruut och gesoot net Neger ze soen. Mais ech kruut net gesoot ech sollt direkt ob alles sprangen waat een iergendwéi kéint ausleen wéi wann et beis gemengt wier. Dass Schwaarz gewessen assosiatounen huet heescht net dass och all déi Assossiatiounen mussen ob een Mensch zoutreffen deen grad déi Hautfaarw huet.

    Mais zu denger Ausried dass de méi aal bass wéi ech, an doduech eng aaner kulturell Edukatioun hues. Huele mer mol un ech géif daat net fier Schwaachsenn haalen (ech hun keng Loscht doriwwer ze diskutéieren). Du sees dass déi Zeil ob dech wierkt wéi wann se eventuell kéint Leit ugraifen, wells du nach ganz bewosst mat där Problematik konfrontéiert gin bass. Huele mer un daat wier sou. Du sees dass Leit wéi ech daat net sou wouer huelen, well eist Obwuesen schon an engem méi multikulti Emfeld geschidd ass. Ok, huele mer och un daat wier wouer. Wéisou sees de dann et wier un der Zait daat Lidd ze zenséieren (an et ass naicht aanescht) wier ubruecht an enger Welt wou déi Kanner déi et sangen et, wéis de jo sees, net méi als eppes Negatives wouerhuelen?

    Hellefräich an eiser Gesellschaft ass et bestemmt net emmer rem ob Saachen hinzeweisen déi gefällegst sollen als diskriminant ugesin gin, obwuel se et net sin.

    P.S. Fro net “Oder gesinn ech dat ze enk?” an sief dann beleidegt wann Leit mat “Jo” äntwerten an och kloer maachen wou hier äntwert hierkennt.

    P.P.S Ech hun an Namibien en Lidd héieren waat em en waissen Toyota Cressida (kee Witz) geet deen keen well. Déi houer Rassisten.

  10. December 5, 2009 at 11:33 pm

    > Dass Schwaarz gewessen assosiatounen huet heescht net dass och all déi Assossiatiounen mussen ob een Mensch zoutreffen deen grad déi Hautfaarw huet.

    Sot ech dat?

    Ech hu mech just gefrot op et gutt (oder néideg) wier, fir kleng Kanner permanent soen ze lossen ‘Dee Schwaarze kritt eis nie’ well et zweedéiteg kéint opgeholl ginn. Och hunn ech nie gesot, dass dat Lidd vun sech aus rassistesch geméngt wier.

    Wann een mir aus dëser ‘Suerg’ e Stréck dréihen wëll, ok …

    > Ech hun an Namibien en Lidd héieren waat em en waissen Toyota Cressida (kee Witz) geet deen keen well. Déi houer Rassisten.

    Keng Ahnung em wat e do geet. Kann also näischt dozou soen. Mee dovunner ofgesinn kann Rassismus vun allen Hautfaarwen ausgoen.

  11. December 5, 2009 at 11:41 pm

    Wat die hollännesch Versioun vum Houseker ugeet:

    Although it is said that the origins of Zwarte Piet are unknown, it seems most plausible that Zwarte Piet is a continuation of the much longer held tradition of depicting Sinterklaas in the company of a dark skinned man, namely thought to be the Devil. This was due to the pervasive belief amongst Europeans that the Devil would resemble a Moor. The first mention of Zwarte Piet in Dutch literature refers to him as a beggar on the street, after Sinterklaas helps him, he promises to stay with Sinterklaas, and help him. It has later been argued that Zwarte Piet was of Italian or other Southern European origin however this interpretation fails to explain the predominant images of Zwarte Piet, who often is depicted in the style of the classic darky icons, contemporaneous with the spread of darky iconography.

    Moreover, in recent years, in an attempt to soften the racist overtones, it is said that Zwarte Piet is black because he has to climb down the chimneys with the presents for the children. This story also falls short of explaining the Blackfaced, googly-eyed, red-lipped Zwarte Piet dolls, die cuts and displays adorning store windows at this time of year, alongside brightly packaged and displayed, holiday merchandise.

  12. December 6, 2009 at 12:05 am

    Elo emol dovunner ofgesinn, dass den Sinterklaas an den Zwarte Piet net exakt onsem Kleeschen an Houseker entspriechen, verstinn ech de Problem nach emmer net. Okay, ech war och een aussergewéinlechen Fall, well ech vun Ufank un vun mengen Elteren gesot krut dass dat alles net echt wier a ni un de Kleeschen an den Houseker gegleewt hunn.
    Ech hunn mech als Kand awer ni gefrot, firwat do vun engem Schwaarzen gesongen gëtt. Déi Figur vum Houseker war eben schwaarz, an et war och zimlech offensichtlech, dass deen net donkelhäiteg wier, mä just schwaarz Faarw iwwert d’Gesiicht geschmiert hat. Fir mech sollt dat emmer esou ausgesinn ewéi wann en knaschteg wier.
    Kanner sinn net rassistesch. Kanner ginn vun den Erwuessenen rassistesch gemaach. Wanns de zwee Kanner nierwenteneen setz, spillen déi mateneen. Et fällt hinnen vläit op, dass deen aneren eng aner Hautfaarw huet, mä dann froen se. An wann se dann eng anstänneg Erklärung kréien, ass dat fir si och ganz normal, dass net jiddereen “wäiss” ass. (Ech dierf dat behaapten, ech sinn esou erzunn ginn. Wann ech eppes falsch gemach hunn oder eng Fro gestallt hunn, krut ech eng anstäneg Erklärung.) Wou mer grad bei “wäiss” sinn: wisou nennt Léierpersonal déi hellpink Faarw eigentlech “Hautfaarw”? Dat ass rassistesch.
    Wanns du engem Kand net sees, dass den Houseker een Afrikaner ass, dann kënnt do och keen Kand vum Selwen drop.

  13. Nic
    December 6, 2009 at 12:16 am

    Jo, den Houseker ass schwaartz ugedoen an kann vun mier aus och déi Hautfaarf hun. An dann? Waat mecht et domat rassistesch? Nemmen well e schwaartz an béis ass, mecht een domat nach keng rassistesch Ausso. Just wann en beis wier, well en schwaartz ass, wier daat den Fall.
    Wann den Houseker blond wier, géif een och net soen d’Lidd wier diskriminat géint Blonder.

    “Ech hu mech just gefrot op et gutt (oder néideg) wier, fir kleng Kanner permanent soen ze lossen ‘Dee Schwaarze kritt eis nie’ well et zweedéiteg kéint opgeholl ginn.”
    Ween hellt daat sou op? Just Leit déi sech des Zort vun Gedanken driwwer maachen. An sou Leit kennen selwer denken. Kee Grond e Kannerlidd ze zenséieren.

  14. Nic
    December 6, 2009 at 12:19 am

    Thierry, du hues alt rem mei séier getippt wéi ech. Bis ob den Rassismus am Molen gin ech der vollkommen Recht.

  15. December 6, 2009 at 12:22 am

    Thierry:

    > Déi Figur vum Houseker war eben schwaarz, an et war och zimlech offensichtlech, dass deen net donkelhäiteg wier, mä just schwaarz Faarw iwwert d’Gesiicht geschmiert hat. Fir mech sollt dat emmer esou ausgesinn ewéi wann en knaschteg wier.

    Jo, ok. Fir mech jo och, souwäit ech mech erënneren. Trotzdem fannen ech déi Assoziatioun mam ‘Schwaarzen’, egal op wéinst der Hautfaarw oder dem Dreck, als deen Béisen awer net als komplett ongeféierlech. A ween wees, wat do onbewosst hänke bleift? Firwat also déi Traditioun net adaptéieren? De Lucky Luke fëmmt haut och net méi mee huet en Grashalm am Mond … wat et jo méi liicht mécht, fir engem Kand kloer ze man, dat Fëmmen schlecht ass well een soss emmer erklären muss firwat dee coolen Lucky Luke dann awer fëmmt.

    > Kanner sinn net rassistesch.

    Emsou besser.

    > Wou mer grad bei “wäiss” sinn: wisou nennt Léierpersonal déi hellpink Faarw eigentlech “Hautfaarw”? Dat ass rassistesch.

    Nënnen sie dat nach ëmmer sou? Mee och dat ass usech jo net rassistesch gemengt, och wann et natierlech rassistesch ass. Sou eppes geschitt jo eischter aus Onachtsamkeet oder Ignoranz.

    > Wanns du engem Kand net sees, dass den Houseker een Afrikaner ass, dann kënnt do och keen Kand vum Selwen drop.

    Hänkt wuel och dovunner of, wéi den Houseker duergestallt gët. Beim Zwarte Piet ass et jo awer offensichtlech.

    An a propos ‘Schwaarze Péiter’: “Die Redewendung „jemandem den Schwarzen Peter zuschieben“ bedeutet, jemand anderen etwas Unangenehmes tun zu lassen, sodass dieser die Verantwortung tragen muss”. A wann een antik Kaartespiller kuckt, sou ass et kloer, dass den ‘Schwaarzen Péiter’ en Afrikaner ass.

  16. December 6, 2009 at 12:27 am

    Nic:

    > Nemmen well e schwaartz an béis ass, mecht een domat nach keng rassistesch Ausso. Just wann en beis wier, well en schwaartz ass, wier daat den Fall.

    Wann een, deen die ‘béiss’ Kanner fänken kënt oder sie mat Rutten schloen kënt, als ‘schwaarz Gestalt’ duergestallt gët (am Géigensaz zu der wäisser Lichtgestallt, déi Kadoen verdeelt), sou kann een domadder schon en Stereotyp krééieren. An zumools fréier woer et jo net, wéi wann d’Läit (oder d’Kanner) vill schwaarz Läit ronderem sech gehat hätten, fir ze gesinn, dass dat och just Mënschen sinn wéi du an ech …

    Et ass jo net, wéi wann historesch gesinn, die Schwaarz net meeschtens als par défaut ‘béiss’ duergestallt gi wieren.

  17. December 6, 2009 at 12:32 am

    Nic:

    Wat hälls de dann dovunner, dass aus dem ‘Negerkuss’ an dem ‘Mohrenkopf’ en ‘Schokokuss’ ginn ass? Woer dat och iwwerdriwwen an pedantesch?

  18. Nic
    December 6, 2009 at 1:57 am

    Daat hei ass jo schon bal ze lächerlech fier ze äntwerten.

    Ech widderhuelen lo fier d’Lescht: Och wann de “Schwaarzen” am Lidd de Béisen ass, do ass keen Grond deen “Schwaarzen” als Afrikaner ze sin. Just well déi 2 déi selwescht Hautpfaarw hun, mecht keen Kand do eng Verbindung. An och keen Erwuessenen deen serieux fier eng Sekonn driwwer nodenkt.

    Zu dengem zweeten Punkt. Neger an Mouer sin 2 derogativ Wieder, well se gebraucht gin sin, spezifesch fier Leit unzegraifen (where offence is meant). Dofier gin se net méi geholl. Ech gesin net waat un engem Negerkuss oder engem Mourekapp soss soll schlecht sin. Ausser d’Kalorien.

  19. December 6, 2009 at 11:30 am

    Nic:

    Et ginn eng ganz Rëtsch Indizien (cf uewen), dass dem Kleeschen säin “Mann für’s Grobe” um Ufank en Afrikaner oder Mouer woer. D’Elteren hu ‘ganz fréier’ den Kanner gedréit, dass den Houseker/Zwarte Piet/watfireNummochemmer die béiss Kanner an e Sak stécht an se dann an dat vun Mouren besatent Spuenien mathëllt. Dat woer opmanst an Holland sou. An firwat soll dat grad zu Lëtzebuerg anescht gewiescht sinn? Zumools vu eis historesch Relatiounen mat Holland.

    Den (wäissen) Kleeschen huet Kadoen verschenkt, säin (donklen) Helfer (oder Sklav) huet die ‘béis’ Kanner bestrooft. Die Rollenverdeelung ass jo awer ganz kloer. An en huet jo och nët ëmmer just Rutten verdeelt (firwat iwwerhaapt? dass een sech selwer schléit??), mee am Ufank huet en d’Rutt benotzt, fir den ‘béisen’ Kanner den Hënner ze versuelen (cf Père Fouettard). Och dat gouff jo mat der Zäit entschäerft.

    A suguer wann hautzudags keen Kand déi Verbindung méi giff maachen (och well den Houseker, aus historeschen a politeschen Grënn, keng afrikanesch Trait’en méi huet), sou fannen ech trotzdem nach ëmmer, dass die Verbindung vun ‘béiss’ mat ‘schwaarz’ an dass Sätz wéi ‘dee Schwaarze kritt eis nie’ potentiell geféierlech kéinten sinn (onbewosst) an/oder och ganz einfach onnéideg sinn. An enger multikultureller Gesellschaft net onbedéngt hëllefen.

    An och d’Argument, dass den Houseker/Schwaarze Péiter sou däischter am Gesiicht ass, well en duerch den Kaméin geklommen oder en Schaachteschbotzer wier, hält net duer an ass usech just d’Resultat vun enger spéiderer Entschärfung vum Personnage. Den Schaachteschbotzer gouff en plus jeher als Glécksbrénger ugesinn. De Schwaarze Péiter hat awer definitiv eng negativ Konnotatioun, wéi jo och beim Kaartenspill (an dem Sprachwuert) vum selwechten Numm ze gesinn ass.

    Zum ‘Negerkuss’: et wier also, denger Meenung no, ok fir deen Schwaarzenkuss oder Afrikanerkuss ze nennen?

  20. December 6, 2009 at 12:12 pm

    Waiss Männer schwätzen driwer, wéi se Schwaarzer solle nennen.
    Klengt immens.

    http://www.derbraunemob.de hëlleft ierch vilaischt wéider.

  21. December 6, 2009 at 12:16 pm

    Joel:

    Ech mengen du hues net verstan, wat meng läscht Fro bezwecken sollt.

    An ech fannen d’Thematik (resp. d’Geschicht an d’Evolutioun) vum Houseker/Schwaarze Péiter awer extrem interessant. Wann s du dat net fannen solls,sou zwéngt dech jo keen dat hei ze liesen oder hei ze kommentéieren.

    Ech sinn awer firwëtzeg: wat hälls du dann vun enger Organisatioun wéi ‘Der braune Mob’? Néideg oder iwwerdriwwen?

  22. December 6, 2009 at 12:57 pm

    Hätt ech de Link gesaat, géif ech et net néideg fannen, daat déi Leit, déi effektiv concernéiert sinn, gefroot géife ginn?
    Interessant fannen ech un der Diskussioun just, daats du fenns, daat een just dann net rassistesch ze si brauch, wann concernéiert Leit am Raum sinn.

  23. December 6, 2009 at 1:09 pm

    Joel:

    Et ass net ëmmer kloer, wat bei dir sarkastesch gemengt ass an wat net.

    > Interessant fannen ech un der Diskussioun just, daats du fenns, daat een just dann net rassistesch ze si brauch, wann concernéiert Leit am Raum sinn.

    Alt nees eng Ennerstellung vun dir, dass ech rassistesch sinn? Wou genau hunn ech déi Ausso do dann gemaach?

    Wat ech gesot hunn ass, dass esou Traditiounen, och wann se net (méi) bewosst rassistesch sinn, awer nach sou riwwer kommen kënnen, wann gewëss Läit am Raum sinn an een se duerfir zumools dann vermeiden oder änneren sollt (wann och bei eis dem Houseker seng Originnen an der Tëschenzäit manner offensichtlech sinn wéi zb nach beim Zwarte Piet). Wat ass dorunner schlëmm?

    An egal wéi fannen ech en Saatz wéi ‘Dee Schwaarze kritt eis nie’ jo net gutt. Hunn ech jo wuel kloer genuch gemaach. An dowéinst sinn ech jo och scho ferme kritiséiert ginn.

  24. December 6, 2009 at 1:36 pm

    Ob’s du een Rassist bass, kanns du dir wuehl am beschten selwer beäntwerten. Héi fenns de e puer Denkusteiß: http://www.derbraunemob.de/deutsch/content/content_binichrassist.htm

    Ech fannen du implizéiers, mat desem Kommentar nach vill méi wéi an dem Virdrun, daat et absolut OK ass, rassistesch Kommentarer iwer Schwaarzer ze maachen, wann keng Schwaarzer am Raum sinn. Nachemol: Keen Neonazi ze sinn schützt een net dofir, rassistesch oder sexistesch Kommentarer ze maachen/Sprooch ze benotzen, och wann een daat “eigentlech” net wëll.

    Ech sinn awer och firwëtzeg: wat hälls du dann vun enger Organisatioun wéi ‘Der braune Mob’? Néideg oder iwwerdriwwen?

  25. Nic
    December 6, 2009 at 2:36 pm

    Just ganz kuer 3 Saachen:

    1. Wanns du e Problem an deem Lidd gesais heescht daat net dass do een ass. All Mensch mat engem gesonden Verstand erkennt, dass och wann den Schwaarzen an deem Fall den Béisen sollt sin, daat net vun Kanner sou opgeholl gett wéi wann all Schwaarzen emmer béis wier. Kanner sin net sou domm wéis du denks.

    2. Soueng lächerlech Diskussioun din ech mer net méi un. Wanns du denks als Waissen Leit soen ze mussen wéi se iwwer Saachen denken sollen déi Schwaarzer kéinten ugraifen (obwuel et net sou ass, well keen sech ugegraff fillt deen et versteet), dann maach du daat. Mais beschwéier dech net wann aaner Leit géint sou eng lächerlech an onnéideg Zensur sin, well se unhuelen dass Menschen generell selwer denken kennen an net mussen gesoot kréien waat se sollen an e Lidd eraninterpretéieren. Zeguer déi Schaarz. (An iert den Kommentar kennt: Jo, daat war Sarkasmus.)
    Déi Zeil ass “onnéideg”. Vu mier aus. Mais wann daat en Argument wier se ze verbidden, dann géife mer an enger aarmer Welt liewen. Newspeak.

    3. Daat war mäin leschten Kommentar zu engem Thema waat jiddereen mat e beschen klorem Denken misst als deen iwwerdriwwenen, hypokriteschen an lächerlechen Pseudo-PC-Schwaachsen erkennen deen en ass.

  26. December 6, 2009 at 6:11 pm

    Joel:

    Absoluten Quatsch an genau de Contraire. Ech sot jo, dass een eben just näischt sollt soen, wat falsch verstanen kéint ginn (oder rassistesch kléngen kéint, obwuel et net sou gemengt ass) fir Beleidegungen oder Stereotypen ze vermeiden! Genau wéi ech net enger Boom an d’Gesiicht sangen ‘a loosst die aal Läit stierwen’.

    ‘Der braune Mob’ schéngt eng interessant Säit ze sinn. A wann sou eng Säit hëlleft fir Malentenduen oder net gewollten Beleidegungen aus dem Wee ze goen, sou ass dat eng gutt Saach. Ass jo interessant ze liesen, wéi sie dat gesinn.

  27. December 6, 2009 at 6:17 pm

    Nic:

    1. Ma dann ass et gutt, wann d’Kanner deen Ennerscheed maachen kënnen. Trotzdem fannen ech et net ideal. Mee soulaang se net ufänken fir Schwaarzer dofir ze fäerten ass et jo ok. Zumools wann et dee Saatz en plus die Schwaarz net stéiert.

    2. Ech gesinn, du bass iwwerhaapt net op die historesch Beweiser agaang, dass dem Kleeschen säin Mann für’s Grobe fréier definitiv en Afrikaner oder Mouer woer. Mee ok, dann ignoréier dat eben …

    3. Fënns du dann zb die Zwarte Pieter Poppen an Holland, déi op rassesch Stereotypen zeréck gräifen an déi verstärken gutt? An ass een, wann een géint déi ass, och en hypokriteschen (huh?) and lächerlechen Pseudo-PC Schwachmaat?

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: