Archive

Archive for the ‘Luxembourg’ Category

Telefonsbicher?

September 21, 2010 5 comments

Editus ass jo lo ‘on tour‘. Mee WTF?

Ween benotzt nach Telefonsbicher aus doudegen Beem? A soll sou eng ‘on tour’ Aktioun Telefonsbicher aus Pabéier nees cool oder hipp man? Firwat sollt iergendeen dohinner goen? Ausser well en en Handy gewannen wëll?

Categories: Luxembourg

A recommander (x2).

August 8, 2010 4 comments

Sketches of Space am MUDAM

Born to be wild am Musée d’histoire de la ville de Luxembourg

Categories: Konscht, Luxembourg

Rives de Schilda.

July 15, 2010 1 comment

D’Stad Lëtzebuerg ass jo nees super kohärent …

Sie wëllen anscheinend lo den Caféen an de Rives de Clausen verbidden fir Terrassen ze hunn (well dat net explizit sou am Kontrakt stung) an dass d’Läit Gedrénks mat eraushuelen. Dat ass natierlech just wéinst dem Kaméidi huelen ech mol un.

Mee wéi idiotesch ass et fir op esou enger Plaz, an zumools am Summer!!, et de Läit ze verbidden mat engem Gedrénks virun de Café stoen ze goen? En plus ass et an der Uewerstad jo och erlaabt?

Wann den Helminger keen Kaméidi an Liewen an deem Quartier do wëll hunn, firwat huet en dann dee Projet iwwerhaapt erlaabt?? Et kann een net op der enger Säit wëllen en Quartier etabléieren fir erauszegoen awer dann verlaangen, dass een och nëmmen keen Kaméidi doduerch huet!

Entweder oder. Mee dat do ass just Schilda.

Categories: Luxembourg

Mam BMW bei d’Scheewercher.

July 7, 2010 10 comments

Mam BMW X3 (oder X5?) bei d’Scheewercher. An och falsch geparkt. Mee keen Protokoll (obwuel Pächerten laanscht komm sinn). Prêtre en service. Man gönnt sich ja sonst nichts.

hotcity.app

May 4, 2010 3 comments

Déi nei Versioun vun der Hotcity iPhone App ass wierklech praktesch, flott a gutt gemaach.

Kann ech just recommandéieren.

Categories: Luxembourg, Wired world

Tripartite

April 28, 2010 19 comments

Just e klengen Kommentar zum Echec vun der Tripartite: d’Gewerkschaften sinn einfach ze extrem an hierem Refus fir um Index ze ‘fréckelen’. Et MUSS jo irgendwou eppes geännert a gespuert ginn.

A wann ech de Robert Weber (den CSV Deputéierten) nees als Präsident vum LCGB d’Tripartite kommentéieren héieren, kann ech nëmmen mat Kapp rëselen … Et ass lächerlech (a net sérieux) déi zwou Funktiounen gläichzäiteg ze hunn!

fragile.lu

April 23, 2010 7 comments

Wéi ech gëschter no enger Liesung zu Tréier nees knapps hannert der Grenz vun eisen sëllegen Tankstellen begréisst gouff, hunn ech mech gefrot op die meescht Lëtzebuerger sech wierklech bewosst sinn, wéi fragile eis Economie, an domadder eis Gesellschaft, ass?

All déi Auslänner, déi heihinner tanken kommen, maachen dat jo net, well se gären eisen Liewensstil finanzéieren wëllen. Sie man dat, well sie domadder Suen spueren kënnen.

All déi auslännesch Firmen, déi hiere Sëtz hei hunn, maachen dat jo net, well mir sou eng pittoresk Haaptstad hunn. Sie man dat, well sie hei massiv Suen spueren kënnen.

Wann awer lo déi Steiervirdeeler verschwannen (wéinst eenheetlechen europäeschen Spillregelen zB), dann tankt den Tréier rem doheem an Amazon ass och nees séier zwousch anescht. A wéi finanzéieren mir dann eise Budget, zumools am Kader vum ‘Lëtzebuerger Modell’? Well déi Steieren, déi lo reng duerch lëtzebuergesch Intelligenz a Kreativitéit erakommen, sinn jo dann awer dach begrenzt … Mir liewen jo usech nach ëmmer vun deem cleveren Schachzug, dass mer virun x Joeren eis Steieren, am Verglach mam Ausland, ferme erofgesat hunn. Wat mir eis als klengt Land natierlech erlaaben konnten well déi national Steierverloschter verschwindend kleng am Verglach mat de giganteschen  Steiergewënner duerch auslännescht Kapital woeren.

Dat hei sinn natierlech keng nei Erkenntnisser. Mee vill Lëtzebuerger schéngen ëmmer nach ze mengen et kéint eis jo nie eppes passéieren oder et kéint sech näischt änneren.