Archive

Archive for the ‘Sex’ Category

Loverboys.

July 8, 2010 2 comments

En deprimanten Artikel op SpON iwwert Kannerprostitution an Holland: Morgens Mathe, Mittags Hure.

“Ich habe ihn nach der Schule kennengelernt”, erzählt Angelique, nach dem Unterricht sei sie mit einer Freundin eine Cola trinken gegangen, da habe ihr dieser Junge einen Stuhl angeboten, ein hübscher Marokkaner, 19 Jahre alt, er lud sie auf einen Drink ein, dann in sein Auto, ein bisschen Musik hören. Bald nahm er sie mit auf Partys, in Discotheken, gab ihr Alkohol. Sie verliebte sich. Wenige Wochen später zwang er sie zum ersten Mal, mit fremden Männern zu schlafen.

Der Tag, an dem Maria ihren Loverboy traf, war sommerlich, August oder September, sie fuhr mit dem Fahrrad zur neuen Schule, Maria war 12 Jahre alt. Er lehnte an seinem Wagen auf dem Schulparkplatz, sein Auto hatte verdunkelte Scheiben, ein dicklicher Typ, schwarze Haut, schwere Goldkette um den Hals, wie ein Darsteller aus einem Rap-Video.

Traureg, dass verschidden Meedercher sech an esou Tippen verléiwen a sech vun hinnen komplett manipuléieren loossen … an dat alles aus ‘Léift’ … A nach méi schlëmm sinn natierlech déi Tippen, hier Zuhälteren, déi sie dozu verféieren an dat och nach gutt a normal fannen! D’Strofen fir Zuhälterei missten drastesch eropgesat ginn.

Categories: Gesellschaft, Sex

Net genuch Kanner.

May 26, 2010 14 comments

Et gët jo ëmmer rem festgestallt, an zu Recht, dass ‘mir’ (also déi am Westen) net méi genuch Kanner maachen. Duerchschnëttlech just tëschent 1,3 an 1,8 oder sou. Dat ass natierlech eng negative ‘croissance’ an och net wierklech gutt fir eis Gesellschaft, ënneren anerem och wéinst de Renten asw.

Gëschter gouff dës Net-Genuch-Kanner-Problematik och nees eng Kéier op der däitscher Tele ugeschwat well irgendwelch Läit op d’Iddi komm sinn fir eng ‘Mammen-Quote’ anzeféieren fir et esou den Mammen méi liicht ze maachen nees Aarbecht ausserhalb vum Haus ze fannen. Bon, iwwert den Sënn an Onsënn vun sou enger Quote kann een jo diskutéieren, mee net elo hei.

Dat Bescht awer koum um Schluss, wou se drëchen bemierkt hunn, dass am Fong den Haaptgrond firwat et manner Kanner ginn, net Aarbechtskonditiounen etc wieren, mee de Fait, dass zevill Läit net e Partner fannen mat deem se wéilten Kanner hunn … Jo, gutt! Wann dat stëmmt, dann hëllefen all déi aner Aktiounen och net vill!?

Da misst jo éischter gekuckt ginn fir Männlein und Weiblein nees zesummenzekreien an dozouzebréngen, dass se zesummen wëllen Kanner hunn?

Fréier woer dat natierlech méi einfach: wolls de Sex, da woer ëmmer de Risiko dobäi fir ‘en passant’ e Mënsch ze crééieren … a wanns de der Religioun gefollegt hues, dann hues de mat dengem Partner (wéi och ëmmer s de un deen komm bass) Kanner um lafenden Band produzéiert:

Allerdëngs sinn ech net iwwerzeecht, dass Singlen sou den Haaptproblem sinn. Well och Koppelen hunn momentan oft just 1 oder 2 Kanner. Wat der Statistik jo och net vill méi hëlleft. An déi Koppelen hunn all Zorten vun Grënn fir nët mei Kanner ze hunn (an do kënt d’Aarbechtsplaatz-Problematik awer secher nees zum Virschäin).

Categories: Gesellschaft, Sex, Video

A. Schwarzer vs R. Polanski.

October 18, 2009 3 comments

D’Alice Schwarzer bréngt d’Saach op de Punkt:

“Wenn ein Priester nach Jahrzehnten endlich zur Rechenschaft gezogen wird wegen Missbrauchs und Vergewaltigung Minderjähriger, dann sind alle zufrieden. Wenn ein Filmregisseur wie Roman Polanski, der eingestandenermaßen eine 13-Jährige mehrfach vergewaltigt hat, endlich zur Rechenschaft gezogen wird, sind viele empört.”

Firwat also zweerlee Mooss? Well den Polanski e Promi ass? E Künstler? A net just e Paaf?

(via)

Categories: Gesellschaft, Politik, Sex

Guido for Aussenminister!

October 7, 2009 2 comments

250708MUC136Ech sinn zwar kee grousse Fan vum Guido Westerwelle, mee vu dass e gewielt gouff, hoffen ech lo, dass en Ausseminister gët.

Alleng schon fir moslemesch Länner wéi Saudi-Arabien an den Iran an onkomfortabel Situatiounen ze bréngen, wann se hien, en oppenen Homosexuellen, mussen empfänken. Mat militäreschen Éieren, Handginn, gemeinsamer Foto, etc.

Oder op se séch do virdrun drécken wäerten?

Natierlech kéint en schwulen Aussenminister och nees vun Radikalen als Beweis fir d’Dekadenz vum Westen präsentéiert ginn, mee ech mengen et wier de Risiko wäert. An der Tëschenzäit sinn jo och an verschiddenen islameschen Länner Fraen e bëssen méi an der Politik vertrueden wéi nach virun Joeren. Do huet de Westen jo sécher och eng ‘Matschold’ drun.

Wee wees, villäicht huet de Guido jo eng ähnlech Influenz … Mee natierlech ass et méi schwéier, vu dass hien nëmmen een ass an et awer an der Tëschenzäit Dozen Fraen op héijen politeschen Posten ginn. An Homosexualitéit ass jo awer nach ëmmer eng Grëtz méi schwéier ze erkennen an manner offensichtlech wéi Weiblechkeet.

Categories: Gesellschaft, Sex

Giga Voyeur.

June 17, 2009 6 comments

E Bekannten huet sech lo sou en Gigapan Truc kaaft mat deem een Gigapixelfotoen (wéi déi vum Obama senger Inauguratioun) ka maachen. Dat ass schon extrem impressionnant. Anerersäits natierlech och erschreckend, well d’Privatsphäre enorm drënner leid, wéi een bei dësem Beispill vun enger Plage gesi kann.

An dat ass lo nach keng aus Südfrankräich … wuel och just well een d’Fotoen muss bei GigaPan muss uploaden an déi zenséieren wäerten.

Ok, fréier konnt de Voyeur sech och mat sengem Tele iergendwou op d’Lauer léeën, mee dat hei ass awer eng ganz Kategorie driwwer.

Brave, new world …

Categories: Photographie, Sex, Wired world

Onpräzis Froen.

April 26, 2009 9 comments

‘Bass du fir oder géint Sex virun der Hochzäit?’

Dat ass nees d’Beispill vun enger schlecht gestalltener Fro. Einfach sou kann ech déi net beäntwerten. Do brauch ech méi Info:

Wat ass zB mat Sex gemengt? Verkéier (1) oder just ‘anert Gespills’ (2)?

Wann (1) dann brauch ech nees méi Info: mat (a) oder ouni (b) Verhütungsmëttel?

Wann (a), da wier meng Äntwert: Jo, soulaang déi zwee et wëllen, wat och fir (2) gëlt.

Wann (b), da brauch ech nees méi Info: mat engem, deen een gären huet a sech ka virstellen Kanner ze hunn (I) oder mat engem, wou een just Spaass wëll hunn (II)

Wann (I), da wier meng Äntwert: Jo, soulaang déi zwee ët wëllen an och finanziell an der Lag wieren e Kand ordentlech ze erzéien. Aus legalen Grënn wier et awer wuel besser sech dann ze bestueden.

Wann (II), da wier meng Äntwert: Natierlech nët! Mat Kannerliewen soll een net spillen. An och Ofdréiwungen sollen just an Noutfäll benotzt ginn.

Wat ech ëmmer nach krass fannen ass, wann een realiséiert, dass een fréier, wéi d’Contraceptioun nach net sou ausgeräift woer, bei all Verkéier en effet riskéiert huet, Elteren ze ginn(sou wéi dat jo och vun der Evolutioun virgesinn ass)!? An deem Fall giff een natierlech sou eng Fro ganz anescht ugoen … wéi och de Sex usech!

Categories: Gesellschaft, Sex

Schmotz an der Bibel.

February 7, 2009 Leave a comment

lot2

De Best Of vun de Geschichten, déi d’Religiounsjoffer an den Här Paschtouer sécher net erzielt hunn. An de Mel Gibson och net verfilmen wäert. Opmanst net offiziell.